अमरकोशः

श्लोकः

स्यादेडे बधिरः कुब्जे गडुलः कुकरे कुणिः । पृश्निरल्पतनौ श्रोणः पङ्गौ मुण्डस्तु मुण्डिते ॥ ४८ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	एड	एडः	पुंलिङ्गः	आ इलति ।	अच्	कृत्	अकारान्तः
2	बधिर	बधिरः	पुंलिङ्गः	बध्नाति कर्णम्, बध्यते वा ।	किरच्	उणादिः	अकारान्तः
3	कुब्ज	कुब्जः	पुंलिङ्गः	कौ उब्जति ।	अच्	कृत्	अकारान्तः
4	गडुल	गडुलः	पुंलिङ्गः	गडति, गड्यते, वा ।	उ	बाहुलकात्	अकारान्तः
5	कुकर	कुकरः	पुंलिङ्गः	कुत्सितः करोऽस्य ॥	बहुव्रीहिः	समासः	अकारान्तः
6	कुणि	कुणिः	पुंलिङ्गः	कुणति, कुण्यते, वा ।	इन्	उणादिः	इकारान्तः
7	पृश्नि	पृश्निः	पुंलिङ्गः	स्पृशति, स्पृश्यते वा ।	नि	उणादिः	इकारान्तः
8	अल्पतनु	अल्पतनुः	पुंलिङ्गः	अल्पा तनुरस्य ॥	बहुव्रीहिः	समासः	उकारान्तः
9	श्रोण	श्रोणः	पुंलिङ्गः	श्रोणति ।	अच्	कृत्	अकारान्तः
10	पङ्गु	पङ्गुः	पुंलिङ्गः	पनते ।	गु	बाहुलकात्	उकारान्तः
11	मुण्ड	मुण्डः	पुंलिङ्गः	मुण्ड्यते ।	घञ्	कृत्	अकारान्तः
12	मुण्डित	मुण्डितः	पुंलिङ्गः	मुण्ड्यते स्म ।	क्त	कृत्	अकारान्तः