बधिरः

सुधाव्याख्या

बध्नाति कर्णम्, बध्यते वा । ‘बन्ध बन्धने’ (क्र्या० प० अ०) । ‘इषिमदि-’ (उ० १.५१) इति किरच् ॥

प्रक्रिया

धातुः -


बन्धँ बन्धने
बन्ध्	- उपदेशेऽजनुनासिक इत् 1.3.2, तस्य लोपः 1.3.9
बन्ध् + किरच्	- इषिमदिमुदिखिदिच्छिदिभिदिमन्दिचन्दितिमिमिहिमुहिमुचिरुचिरुधिबन्धिशुषिभ्यः किरच् (१.५१) । उणादिसूत्रम् ।
बन्ध् + इर	- हलन्त्यम् 1.3.3, लशक्वतद्धिते 1.3.8, तस्य लोपः 1.3.9
बध् + इर	- अनिदितां हल उपधायाः क्ङिति 6.4.24
बधिर + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
बधिर + स्	- उपदेशेऽजनुनासिक इत् 1.3.2, तस्य लोपः 1.3.9
बधिर + रु	- ससजुषो रुः 8.2.66
बधिर + र्	- उपदेशेऽजनुनासिक इत् 1.3.2, तस्य लोपः 1.3.9
बधिरः	- खरवसानयोर्विसर्जनीयः 8.3.15