अमरकोशः

श्लोकः

शिरोऽग्रं शिखरं वा ना मूलं बुध्नोऽङ्घ्रिनामकः । सारो मज्जा नरि त्वक्स्त्री वल्कं वल्कलमस्त्रियाम् ॥ १२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	शिरस्	शिरः	नपुंसकलिङ्गः	श्रियते ।	असुन्	उणादिः	सकारान्तः
2	अग्र	अग्रम्	नपुंसकलिङ्गः	अगति।	रन्	उणादिः	अकारान्तः
3	शिखर	शिखरम्	पुंलिङ्गः, नपुंसकलिङ्गः	शिखां राति ।	क	कृत्	अकारान्तः
4	मूल	मूलम्	नपुंसकलिङ्गः	मूलति ।	क	कृत्	अकारान्तः
5	बुध्न	बुध्नः	पुंलिङ्गः	बध्नाति बध्यते वा ।	नक्	उणादिः	अकारान्तः
6	अङ्घ्रिनामक	अङ्घ्रिनामकः	पुंलिङ्गः	अङ्ग्रेर्नाम नाम यस्य ।	बहुव्रीहिः	समासः	अकारान्तः
7	सार	सारः	पुंलिङ्गः	सरति कालान्तरम् ।	घञ्	कृत्	अकारान्तः
8	मज्जन्	मज्जा	पुंलिङ्गः	मज्जति ।	कनिन्	उणादिः	नकारान्तः
9	त्वच्	त्वक्	स्त्रीलिङ्गः	त्वचति ।	क्विप्	कृत्	चकारान्तः
10	वल्क	वल्कम्	पुंलिङ्गः, नपुंसकलिङ्गः	वलति ।	कन्	उणादिः	अकारान्तः
11	वल्कल	वल्कलम्	पुंलिङ्गः, नपुंसकलिङ्गः	बाहुलकात्कलः ।	कल	बाहुलकात्	अकारान्तः