अमरकोशः

श्लोकः

धाताब्जयोनिर्द्रुहिणो विरिञ्चिः कमलासनः । स्रष्टा प्रजापतिर्वेधा विधाता विश्वसृड्विधिः ॥ १७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	धातृ	धाता	पुंलिङ्गः	दधाति ।	तृच्	कृत्	ऋकारान्तः
2	अब्जयोनि	अब्जयोनिः	पुंलिङ्गः	अब्जं योनिरस्य ।	बहुव्रीहिः	समासः	इकारान्तः
3	द्रुहिण	द्रुहिणः	पुंलिङ्गः	द्रुह्यति दुष्टेभ्यः ।	इनच्	उणादिः	अकारान्तः
4	विरिञ्चि	विरिञ्चिः	पुंलिङ्गः	विरचयतीति विरिञ्चिः ।	इ	उणादिः	इकारान्तः
5	कमलासन	कमलासनः	पुंलिङ्गः	कमलमासनं यस्य ।	बहुव्रीहिः	समासः	अकारान्तः
6	स्रष्टृ	स्रष्टा	पुंलिङ्गः	सृजति ।	तृच्	कृत्	ऋकारान्तः
7	प्रजापति	प्रजापतिः	पुंलिङ्गः	प्रजानां पतिः ।	तत्पुरुषः	समासः	इकारान्तः
8	वेधस्	वेधाः	पुंलिङ्गः	विदधाति ।	असि	उणादिः	सकारान्तः
9	विधातृ	विधाता	पुंलिङ्गः	विशेषेण दधाति ।	तृच्	कृत्	ऋकारान्तः
10	विश्वसृज्	विश्वसृट्	पुंलिङ्गः	विश्वं सृजति ।	तत्पुरुषः	समासः	जकारान्तः
11	विधि	विधिः	पुंलिङ्गः	विधत्ते इति विधिः ।	कि	कृत्	इकारान्तः