विरचयतीति विरिञ्चिः। 'रच प्रतियत्ने’ (चु० उ० से०) । स्वार्थण्यन्तात् । 'अच इः’ (उ० ४. १३९) । पृषोदरादित्वात् (६.३.१०९) अकारस्येत्वं नुमागमश्च । (क्वचिदित्वाभावे 'विरञ्चिः’ अपि । चिरं विरञ्चिनं चिरं विरञ्चिः इत्यादौ प्रयोगदर्शनात् । पचाद्यचि (३.१.१३४) ‘विरिञ्चः’ अपि । (‘विरिञ्चो द्रुहिणः शिञ्जो विरिञ्चिर्द्रुघणो मतः’ इति शब्दार्णवात् । यत्तु—‘रिच वियोजन- संयमनयो: चुरादिः। ‘अच इः' (उ० ४.१३९)। पृषोदरादित्वात् (६.३.१०९) नुम्, कुञ्जरवदुपधाह्रस्वत्वं च इति मुकुटः। तन्न । ‘रिच वियोजनसंपर्चनयोः' इति चुरादौ पाठदर्शनाद्ध्रस्वविधानस्यानुपयोगात् । कुञ्जरवदिति दृष्टान्तोऽप्ययुक्तः । तत्र ह्रस्वविधानाभावात् ॥