अमरकोशः

श्लोकः

धाराधरो जलधरस्तडित्वान्वारिदोऽम्बुभृत् । घनजीमूतमुदिरजलमुग्धूमयोनयः ॥ ७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	धाराधर	धाराधरः	पुंलिङ्गः	धाराणां जलस्य च धरः ।	तत्पुरुषः	समासः	अकारान्तः
2	जलधर	जलधरः	पुंलिङ्गः	जलस्य धरः ।	तत्पुरुषः	समासः	अकारान्तः
3	तडित्त्वत्	तडित्त्वान्	पुंलिङ्गः	तडितः सन्त्यस्मिन् ।	मतुप्	तद्धितः	तकारान्तः
4	वारिद	वारिदः	पुंलिङ्गः	वारि ददाति ।	तत्पुरुषः	समासः	अकारान्तः
5	अम्बुभृत्	अम्बुभृत्	पुंलिङ्गः	अम्बु बिभर्ति ।	तत्पुरुषः	समासः	तकारान्तः
6	घन	घनः	पुंलिङ्गः	हन्यते वायुना ।	अप्	कृत्	अकारान्तः
7	जीमूत	जीमूतः	पुंलिङ्गः	जीवनं जलं मूतं बद्धमनेन ।	तत्पुरुषः	समासः	अकारान्तः
8	मुदिर	मुदिरः	पुंलिङ्गः	मोदन्तेऽनेन ।	किरच्	उणादिः	अकारान्तः
9	जलमुच्	जलमुक्	पुंलिङ्गः	जलं मुञ्चति ।	तत्पुरुषः	समासः	चकारान्तः
10	धूमयोनि	धूमयोनिः	पुंलिङ्गः	धूमो योनिरस्य ।	बहुव्रीहिः	समासः	इकारान्तः