अमरकोशः

श्लोकः

आदितेया दिविषदो लेखा अदितिनन्दनाः । आदित्या ऋभवोऽस्वप्ना अमर्त्या अमृतान्धसः ॥ ८ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	आदितेय	आदितेयाः	पुंलिङ्गः	अदित्या अपत्यानि ।	ढक्	तद्धितः	अकारान्तः
2	दिविषद्	दिविषदः	पुंलिङ्गः	दिवि सीदन्ति वर्तन्ते ।	तत्पुरुषः	समासः	दकारान्तः
3	लेख	लेखाः	पुंलिङ्गः	चित्रादौ लिख्यन्ते ।	घञ्	कृत्	अकारान्तः
4	अदितिनन्दन	अदितिनन्दनाः	पुंलिङ्गः	अदितेर्नन्दनाः ।	तत्पुरुषः	समासः	अकारान्तः
5	आदित्य	आदित्याः	पुंलिङ्गः	अदितेरपत्यानि ।	ण्य	तद्धितः	अकारान्तः
6	ऋभु	ऋभवः	पुंलिङ्गः	ऋशब्दवाच्यः स्वर्गः, अदितिर्वा । तत्र ततो वा भवन्ति ।	डु	कृत्	उकारान्तः
7	अस्वप्न	अस्वप्नाः	पुंलिङ्गः	अविद्यमानः स्वप्नो येषाम् ।	बहुव्रीहिः	समासः	अकारान्तः
8	अमर्त्य	अमर्त्याः	पुंलिङ्गः	म्रियन्तेऽस्मिन्निति मर्तो भूलोकः । तत्र भवा अप्युपचारान्मर्ताः । तद्भिन्ना: ।	तत्पुरुषः	समासः	अकारान्तः
9	अमृतान्धस्	अमृतान्धसः	पुंलिङ्गः	अमृतमन्धोऽन्नं येषां ते ।	बहुव्रीहिः	समासः	सकारान्तः