अमरकोशः

श्लोकः

कृशानुरेताः सर्वज्ञो धूर्जटिर्नीललोहितः । हरः स्मरहरो भर्गस्त्र्यम्बकस्त्रिपुरान्तकः ॥ ३३ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	कृशानुरेतस्	कृशानुरेतः	पुंलिङ्गः	कृशानौ रेतो यस्य ।	बहुव्रीहिः	समासः	सकारान्तः
2	सर्वज्ञ	सर्वज्ञः	पुंलिङ्गः	सर्वं जानाति ।	तत्पुरुषः	समासः	अकारान्तः
3	धूर्जटि	धूर्जटिः	पुंलिङ्गः	धूर्मारभूता जटिर्यस्य ।	बहुव्रीहिः	समासः	इकारान्तः
4	नीललोहित	नीललोहितः	पुंलिङ्गः	नीलश्चासौ लोहितश्च कण्ठे जटासु च ।	तत्पुरुषः	समासः	अकारान्तः
5	हर	हरः	पुंलिङ्गः	हरति ।	अच्	कृत्	अकारान्तः
6	स्मरहर	स्मरहरः	पुंलिङ्गः	स्मरं हरति ।	तत्पुरुषः	समासः	अकारान्तः
7	भर्ग	भर्गः	पुंलिङ्गः	भर्जते ।	अच्	कृत्	अकारान्तः
8	त्र्यम्बक	त्र्यम्बकः	पुंलिङ्गः	त्रीण्यम्बकान्यस्य ।	बहुव्रीहिः	समासः	अकारान्तः
9	त्रिपुरान्तक	त्रिपुरान्तकः	पुंलिङ्गः	त्रयाणां धातूनां पुराणि, तेषामन्तकः ।	तत्पुरुषः	समासः	अकारान्तः