अमरकोशः

श्लोकः

आपन्नसत्त्वा स्याद्गुर्विण्यन्तर्वत्नी च गर्भिणी । गणिकादेस्तु गाणिक्यं गार्भिणं यौवतं गणे ॥ २२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	आपन्नसत्वा	आपन्नसत्वा	स्त्रीलिङ्गः	आपन्नः सत्त्वो जन्तुरनया, अस्यां वा ॥	बहुव्रीहिः	समासः	आकारान्तः
2	गुर्विणी	गुर्विणी	स्त्रीलिङ्गः	गुरुर्दुर्जरोऽलघुर्वा गर्भोऽस्त्यस्याः ।	इनि	तद्धितः	ईकारान्तः
3	अन्तर्वत्नी	अन्तर्वत्नी	स्त्रीलिङ्गः	अन्तरस्त्यस्यां गर्भः ।	मतुप्	तद्धितः	ईकारान्तः
4	गर्भिणी	गर्भिणी	स्त्रीलिङ्गः	गर्भोऽस्त्यस्याः ।	इनि	तद्धितः	ईकारान्तः
5	गाणिक्य	गाणिक्यम्	नपुंसकलिङ्गः	गणिकानां समूहः ।	यञ्	तद्धितः	अकारान्तः
6	गार्भिण	गार्भिणम्	नपुंसकलिङ्गः	गर्भिणीनां समूहः ।	अण्	तद्धितः	अकारान्तः
7	यौवत	यौवतम्	नपुंसकलिङ्गः	युवतीनां समूहः ।	अण्	तद्धितः	अकारान्तः