चूर्णे क्षोदः समुत्पिञ्जपिञ्जलौ भृशमाकुले । पताका वैजयन्ती स्यात्केतनं ध्वजमस्त्रियाम् ॥ ९९ ॥
शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
---|---|---|---|---|---|---|---|
1 | चूर्ण | चूर्णः | पुंलिङ्गः, नपुंसकलिङ्गः | चूर्ण्यते । | अच् | कृत् | अकारान्तः |
2 | क्षोद | क्षोदः | पुंलिङ्गः | क्षुद्यते । | घञ् | कृत् | अकारान्तः |
3 | समुत्पिञ्ज | समुत्पिञ्जः | पुंलिङ्गः | समुत्पिञ्ज(य)ति । | अच् | कृत् | अकारान्तः |
4 | पिञ्जल | पिञ्जलः | पुंलिङ्गः | पिञ्जं लाति वा ॥ | अच् | बाहुलकात् | अकारान्तः |
5 | पताका | पताका | स्त्रीलिङ्गः | पतति पत्यतेऽनया वा । | आक | उणादिः | आकारान्तः |
6 | वैजयन्ती | वैजयन्ती | स्त्रीलिङ्गः | विजयते । | अण् | तद्धितः | ईकारान्तः |
7 | केतन | केतनम् | नपुंसकलिङ्गः | केत्यते ज्ञायतेऽनेन । | ल्युट् | कृत् | अकारान्तः |
8 | ध्वज | ध्वजः | पुंलिङ्गः, नपुंसकलिङ्गः | ध्वजति । | अच् | कृत् | अकारान्तः |