अमरकोशः

श्लोकः

कर्णीरथ: प्रवहणं डयनं च समं त्रयम् । क्लीबेऽना शकटोऽस्त्री स्याद् गन्त्री कम्बलिवाह्यकम् ॥ ५२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	कर्णीरथ	कर्णीरथः	पुंलिङ्गः	कर्णी चासौ रथश्च	तत्पुरुषः	समासः	अकारान्तः
2	प्रवहण	प्रवहणम्	नपुंसकलिङ्गः	प्रोह्यते ।	ल्युट्	कृत्	अकारान्तः
3	डयन	डयनम्	नपुंसकलिङ्गः	डीयतेऽनेन	ल्युट्	कृत्	अकारान्तः
4	अनस्	अनः	नपुंसकलिङ्गः	अनिति चीत्करोति ।	असुन्	उणादिः	सकारान्तः
5	शकट	शकटः	पुंलिङ्गः, नपुंसकलिङ्गः	शक्नोति भारं वोढुम् ।	अटन्	उणादिः	अकारान्तः
6	गन्त्री	गन्त्री	स्त्रीलिङ्गः	गम्यतेऽनया ।	ष्ट्रन्	उणादिः	ईकारान्तः
7	कम्बलिवाह्यक	कम्बलिवाह्यकम्	नपुंसकलिङ्गः	कम्बलः सास्नास्यास्ति ।	ण्यत्	कृत्	अकारान्तः