अमरकोशः

श्लोकः

रथगुप्तिर्वरूथो ना कूबरस्तु युगन्धरः । अनुकर्षो दार्वध:स्थं प्रासङ्गो ना युगान्तरम् ॥ ५७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	रथगुप्ति	रथगुप्तिः	स्त्रीलिङ्गः	रथस्य गुप्तिरावरणम् ॥	तत्पुरुषः	समासः	इकारान्तः
2	वरूथ	वरूथः	पुंलिङ्गः	व्रियते रथोऽनेन ।	ऊथन्	उणादिः	अकारान्तः
3	कूबर	कूबरः	पुंलिङ्गः	कूवते ।	वरच्	बाहुलकात्	अकारान्तः
4	युगन्धर	युगन्धरः	पुंलिङ्गः	युगं वोढृबन्धनकाष्ठं धारयति ।	खच्	कृत्	अकारान्तः
5	अनुकर्ष	अनुकर्षः	पुंलिङ्गः	अनुकृष्यते ।	घञ्	कृत्	अकारान्तः
6	प्रासङ्ग	प्रासङ्गः	पुंलिङ्गः	प्रसज्यते ।	घञ्	कृत्	अकारान्तः