अङ्गुल्यः करशाखाः स्युः पुंस्यङ्गुष्ठ: प्रदेशिनी । मध्यमाऽनामिका चापि कनिष्ठा चेति ताः क्रमात् ॥ ८२ ॥
शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
---|---|---|---|---|---|---|---|
1 | अङ्गुली | अङ्गुली | स्त्रीलिङ्गः | अङ्गति । | उलि | उणादिः | ईकारान्तः |
2 | करशाखा | करशाखा | स्त्रीलिङ्गः | करस्य शाखा इव ॥ | तत्पुरुषः | समासः | आकारान्तः |
3 | अङ्गुष्ठ | अङ्गुष्ठः | पुंलिङ्गः | अङ्गुशब्दोऽङ्गवाची । | क | कृत् | अकारान्तः |
4 | प्रदेशिनी | प्रदेशिनी | स्त्रीलिङ्गः | तर्जन्युक्तापि यथासंख्याय पुनरुक्ता ॥ | ल्युट् | कृत् | ईकारान्तः |
5 | मध्यमा | मध्यमा | स्त्रीलिङ्गः | मध्यभवा । | म | तद्धितः | आकारान्तः |
6 | अनामिका | अनामिका | स्त्रीलिङ्गः | न नाम ग्रहणयोग्यमस्याः ब्रह्मणोऽनया शिरश्छेदनात् । | बहुव्रीहिः | समासः | आकारान्तः |
7 | कनिष्ठा | कनिष्ठा | स्त्रीलिङ्गः | अत्यल्पा । | इष्ठन् | तद्धितः | आकारान्तः |