अमरकोशः

श्लोकः

अजमोदा तूग्रगन्धा ब्रह्मदर्भा यवानिका । मूले पुष्करकाश्मीरपद्मपत्राणि पौष्करे ॥ १४५ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	अजमोदा	अजमोदा	स्त्रीलिङ्गः	अजं मोदयति ।	अण्	कृत्	आकारान्तः
2	उग्रगन्धा	उग्रगन्धा	स्त्रीलिङ्गः	उग्रो गन्धोऽस्याः ।	बहुव्रीहिः	समासः	आकारान्तः
3	ब्रह्मदर्भा	ब्रह्मदर्भा	स्त्रीलिङ्गः	ब्रह्मणा दृभ्यते ।	तत्पुरुषः	समासः	आकारान्तः
4	यवानिका	यवानिका	स्त्रीलिङ्गः	दुष्टो यवः ।	आनुक्	तद्धितः	आकारान्तः
5	पुष्कर	पुष्करम्	नपुंसकलिङ्गः	पुष्णाति, पुष्यति वा ।	करन्	उणादिः	अकारान्तः
6	काश्मीर	काश्मीरम्	नपुंसकलिङ्गः	कश्मीरेषु भवम् ।	अण्	तद्धितः	अकारान्तः
7	पद्मपत्र	पद्मपत्रम्	नपुंसकलिङ्गः	पद्मस्येव पत्रमस्य ॥	बहुव्रीहिः	समासः	अकारान्तः