अमरकोशः

श्लोकः

भानुर्हंसः सहस्रांशुस्तपन: सविता रविः । माठर: पिङ्गलो दण्डश्चण्डांशो: पारिपार्श्वका: ॥ ३१ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	भानु	भानुः	पुंलिङ्गः	भाति ।	नु	उणादिः	उकारान्तः
2	हंस	हंसः	पुंलिङ्गः	हन्ति ।	स	उणादिः	अकारान्तः
3	सहस्रांशु	सहस्रांशुः	पुंलिङ्गः	सहस्रमंशवो यस्या ।	बहुव्रीहिः	समासः	उकारान्तः
4	तपन	तपनः	पुंलिङ्गः	तपति ।	ल्यु	कृत्	अकारान्तः
5	सवितृ	सविता	पुंलिङ्गः	सुवति ।	तृच्	कृत्	ऋकारान्तः
6	रवि	रविः	पुंलिङ्गः	रूयते, स्तूयते, रवते, वा ।	इ	उणादिः	इकारान्तः
7	माठर	माठरः	पुंलिङ्गः	मनुते मठरः । स एव माठरः ।	अर	उणादिः	अकारान्तः
8	पिङ्गल	पिङ्गलः	पुंलिङ्गः	पिङ्गलो वर्णोऽस्यास्ति ।	अच्	तद्धितः	अकारान्तः
9	दण्ड	दण्डः	पुंलिङ्गः	दण्डोऽस्यास्ति ।	अच्	तद्धितः	अकारान्तः
10	पारिपार्श्विक	पारिपार्श्विकः	पुंलिङ्गः	पार्श्वे इति परिपार्श्वम् । परिपार्श्वं वर्तते ।	ठक्	तद्धितः	अकारान्तः