अमरकोशः

श्लोकः

छात्त्रान्तेवासिनौ शिष्ये शैक्षाः प्राथमकल्पिकाः । एकब्रह्मव्रताचारा मिथः सब्रह्मचारिणः ॥ ११ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	छात्र	छात्रः	पुंलिङ्गः	गुरुदोषाच्छादनं छत्त्रम् ।	ण	तद्धितः	अकारान्तः
2	अन्तेवासिन्	अन्तेवासिन्	पुंलिङ्गः	अन्ते समीपे वस्तुं शीलमस्य ।	णिनि	कृत्	नकारान्तः
3	शिष्य	शिष्यः	पुंलिङ्गः	शिष्यते ।	क्यप्	कृत्	अकारान्तः
4	शैक्ष	शैक्षः	पुंलिङ्गः	शिक्षामधीयते ।	अण्	तद्धितः	अकारान्तः
5	प्राथमकल्पिक	प्राथमकल्पिकाः	पुंलिङ्गः	प्रथमकल्प: आद्यारम्भः प्रयोजनं येषां ते ।	ठक्	तद्धितः	अकारान्तः
6	सब्रह्मचारिन्	सब्रह्मचारिणः	पुंलिङ्गः	एकस्मिन् ब्रह्मणि व्रताचरणं येषां ते ।	णिनि	कृत्	नकारान्तः