पुनर्भूदिधिषूरूढा द्विः तस्या दिधिषूः पतिः । स तु द्विजोऽग्रेदिधिषूः सैव यस्य कुटुम्बिनी ॥ २३ ॥
| शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
|---|---|---|---|---|---|---|---|
| 1 | पुनर्भू | पुनर्भूः | स्त्रीलिङ्गः | पुनर्भवति संस्कृता । | क्विप् | कृत् | ऊकारान्तः |
| 2 | दिधिषू | दिधिषूः | स्त्रीलिङ्गः | दधाति पापम् । | कू | उणादिः | ऊकारान्तः |
| 3 | दिधिषू | दिधिषूः | पुंलिङ्गः | दधाति पापम् । | कू | उणादिः | ऊकारान्तः |
| 4 | अग्रेदिधिषू | अग्रेदिधिषूः | पुंलिङ्गः | अग्रे प्रधानं दिधिषूर्यस्य । | बहुव्रीहिः | समासः | ऊकारान्तः |