अमरकोशः

श्लोकः

तदा कोलटिनेयोऽस्या: कौलटेयोऽपि चात्मजः । आत्मजस्तनयः सूनुः सुतः पुत्रः स्त्रियां त्वमी ॥ २७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	कौलटिनेय	कौलटिनेयः	पुंलिङ्गः	कुलटाया अपत्यम् ।	ढक्	तद्धितः	अकारान्तः
2	कौलटेय	कौलटेयः	पुंलिङ्गः	कुलटाया अपत्यम् ।	ढक्	तद्धितः	अकारान्तः
3	आत्मज	आत्मजः	पुंलिङ्गः	आत्मनो देहाज्जातः	ड	कृत्	अकारान्तः
4	तनय	तनयः	पुंलिङ्गः	तनोति कुलम् ।	कयन्	उणादिः	अकारान्तः
5	सूनु	सूनुः	पुंलिङ्गः	सूयते ।	नु	उणादिः	उकारान्तः
6	सुत	सुतः	पुंलिङ्गः	सूयते स्म ।	क्त	कृत्	अकारान्तः
7	पुत्र	पुत्रः	पुंलिङ्गः	पुनाति, पूयते, वा ।	क्त्र	उणादिः	अकारान्तः