अमरकोशः

श्लोकः

स्त्रियां बहुत्वे वस्त्रस्य दशा: स्युर्वस्तयोर्द्वयोः । दैर्घ्यमायाम आनाहः परिणाहो विशालता ॥ ११४ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	दशा	दशा	स्त्रीलिङ्गः	दश्यते ।	अङ्	कृत्	आकारान्तः
2	वस्ति	वस्तिः	पुंलिङ्गः, स्त्रीलिङ्गः	वस्यते ।	ति	उणादिः	इकारान्तः
3	दैर्घ्य	दैर्घ्यम्	नपुंसकलिङ्गः	दीर्घस्य भावः ।	ष्यञ्	तद्धितः	अकारान्तः
4	आयाम	आयामः	पुंलिङ्गः	आयम्यतेऽनेन ।	घञ्	कृत्	अकारान्तः
5	आनाह	आनाहः	पुंलिङ्गः	आनह्यतेऽनेन ।	घञ्	कृत्	अकारान्तः
6	परिणाह	परिणाहः	पुंलिङ्गः	परिणह्यतेऽनेन ।	घञ्	कृत्	अकारान्तः
7	विशालता	विशालता	स्त्रीलिङ्गः	विशालस्य भावः	तल्	तद्धितः	आकारान्तः