अमरकोशः

श्लोकः

केका वाणी मयूरस्य समौ चन्द्रकमेचकौ । शिखा चूडा शिखण्डस्तु पिच्छबर्हे नपुंसके ॥ ३१ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	केका	केका	स्त्रीलिङ्गः	के मूर्धनि कायति ।	ड	कृत्	आकारान्तः
2	चन्द्रक	चन्द्रकः	पुंलिङ्गः	चंद्र इव ।	कन्	तद्धितः	अकारान्तः
3	मेचक	मेचकः	पुंलिङ्गः	मेचको वर्णोऽस्त्यस्य ।	अच्	तद्धितः	अकारान्तः
4	शिखा	शिखा	स्त्रीलिङ्गः	शेते ।	ख	उणादिः	आकारान्तः
5	चूडा	चूडा	स्त्रीलिङ्गः	चुड्यते ।	अङ्	कृत्	आकारान्तः
6	शिखण्ड	शिखण्डः	पुंलिङ्गः	शिखिनाम्यते ।	ड	उणादिः	अकारान्तः
7	पिच्छ	पिच्छम्	नपुंसकलिङ्गः	पिच्छ्यते वा ।	अच्	कृत्	अकारान्तः
8	बर्ह	बर्हम्	नपुंसकलिङ्गः	बर्हति ।	अच्	कृत्	अकारान्तः