अस्योद्यानं चैत्ररथं पुत्रस्तु नलकूवरः । कैलासः स्थानमलका पूर्विमानं तु पुष्पकम् ॥ ७० ॥
शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
---|---|---|---|---|---|---|---|
1 | चैत्ररथ | चैत्ररथम् | नपुंसकलिङ्गः | चित्ररथेन निर्वृत्तम् | अण् | तद्धितः | अकारान्तः |
2 | नलकूबर | नलकूबरः | पुंलिङ्गः | नलः कूवरो युगंधरो यस्य । | बहुव्रीहिः | समासः | अकारान्तः |
3 | कैलास | कैलासः | पुंलिङ्गः | के जले लासो लसनमस्य । | बहुव्रीहिः | समासः | अकारान्तः |
4 | अलका | अलका | स्त्रीलिङ्गः | अलति भूषयति । | क्वुन् | उणादिः | आकारान्तः |
5 | पुष्पक | पुष्पकम् | नपुंसकलिङ्गः | पुष्यति । | क्वुन् | उणादिः | अकारान्तः |