अमरकोशः

श्लोकः

शम्भुरीशः पशुपतिः शिवः शूली महेश्वरः । ईश्वरः शर्व ईशानः शंकरश्चन्द्रशेखरः ॥ ३० ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	शम्भु	शम्भुः	पुंलिङ्गः	शं सुखं भवति ।	डु	कृत्	उकारान्तः
2	ईश	ईशः	पुंलिङ्गः	ईष्टे ।	क	कृत्	अकारान्तः
3	पशुपति	पशुपतिः	पुंलिङ्गः	पशूनां जीवानां पतिः ।	तत्पुरुषः	समासः	इकारान्तः
4	शिव	शिवः	पुंलिङ्गः	शिवमस्यास्ति ।	अच्	तद्धितः	अकारान्तः
5	शूलिन्	शूली	पुंलिङ्गः	शूलमस्यास्ति ।	इनि	तद्धितः	नकारान्तः
6	महेश्वर	महेश्वरः	पुंलिङ्गः	महांश्चासावीश्वरश्च ।	तत्पुरुषः	समासः	अकारान्तः
7	ईश्वर	ईश्वरः	पुंलिङ्गः	ईशितुं शीलमस्य ।	वरच्	कृत्	अकारान्तः
8	शर्व	शर्वः	पुंलिङ्गः	शृणाति ।	व	उणादिः	अकारान्तः
9	ईशान	ईशानः	पुंलिङ्गः	ईष्टे ।	चानश्	कृत्	अकारान्तः
10	शंकर	शंकरः	पुंलिङ्गः	शं करोति ।	तत्पुरुषः	समासः	अकारान्तः
11	चन्द्रशेखर	चन्द्रशेखरः	पुंलिङ्गः	चन्द्रः शेखरो यस्य ।	बहुव्रीहिः	समासः	अकारान्तः