अमरकोशः

श्लोकः

विनायको विघ्नराजद्वैमातुरगणाधिपाः । अप्येकदन्तहेरम्बलम्बोदरगजाननाः ॥ ३८ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	विनायक	विनायकः	पुंलिङ्गः	विनयति ।	ण्वुल्	कृत्	अकारान्तः
2	विघ्नराज	विघ्नराजः	पुंलिङ्गः	विघ्नानां राजा ।	तत्पुरुषः/टच्	समासः	अकारान्तः
3	द्वैमातुर	द्वैमातुरः	पुंलिङ्गः	द्वयोर्मात्रोरपत्यम् ।	अण्	तद्धितः	अकारान्तः
4	गणाधिप	गणाधिपः	पुंलिङ्गः	गणानां प्रमथानामधिपः ।	तत्पुरुषः	समासः	अकारान्तः
5	एकदन्त	एकदन्तः	पुंलिङ्गः	एको दन्तोऽस्य ।	बहुव्रीहिः	समासः	अकारान्तः
6	हेरम्ब	हेरम्बः	पुंलिङ्गः	हेरम्बते ।	अच्	कृत्	अकारान्तः
7	लम्बोदर	लम्बोदरः	पुंलिङ्गः	लम्बमुदरमस्य ।	बहुव्रीहिः	समासः	अकारान्तः
8	गजानन	गजाननः	पुंलिङ्गः	गज आननमस्य ।	बहुव्रीहिः	समासः	अकारान्तः