अमरकोशः

श्लोकः

दक्षे तु चतुरपेशलपटवः सूत्थान उष्णश्च । चण्डालप्लवमातङ्गदिवाकीर्तिजनङ्गमा: ॥ १९ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	दक्ष	दक्षः	पुंलिङ्गः	दक्षते ।	अच्	कृत्	अकारान्तः
2	चतुर	चतुरः	पुंलिङ्गः	चतति, चत्यते वा ।	उरच्	उणादिः	अकारान्तः
3	पेशल	पेशलः	पुंलिङ्गः	पेशं लाति ।	क	कृत्	अकारान्तः
4	पटु	पटुः	पुंलिङ्गः	पाटयति ।	उ	उणादिः	उकारान्तः
5	सूत्थान	सूत्थानः	पुंलिङ्गः	सुष्ठु उत्थानमुद्योगोऽस्य ॥	बहुव्रीहिः	समासः	अकारान्तः
6	उष्ण	उष्णः	पुंलिङ्गः	उष्णत्वं शीघ्रकारित्वमस्यास्ति ।	अच्	तद्धितः	अकारान्तः
7	चण्डाल	चण्डालः	पुंलिङ्गः	चण्डते ।	आलच्	उणादिः	अकारान्तः
8	प्लव	प्लवः	पुंलिङ्गः	प्लवते ।	अच्	कृत्	अकारान्तः
9	मातङ्ग	मातङ्गः	पुंलिङ्गः	मतङ्गस्यापत्यम् ।	अण्	तद्धितः	अकारान्तः
10	दिवाकीर्ति	दिवाकीर्तिः	पुंलिङ्गः	दिवा कीर्तिरस्य ।	बहुव्रीहिः	समासः	इकारान्तः
11	जनंगम	जनंगमः	पुंलिङ्गः	अधार्मिकाञ्जनान् गच्छति, जनेभ्यो गच्छति, वा ।	खच्	कृत्	अकारान्तः