अमरकोशः

श्लोकः

भृतको भृतिभुक्कर्मकरो वैतनिकोऽपि सः । वार्तावहो वैवधिकः भारवाहस्तु भारिकः ॥ १५ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	भृतक	भृतकः	पुंलिङ्गः	भ्रियते स्म ।	क्तः	कृत्	अकारान्तः
2	भृतिभुज्	भृतिभुज्	पुंलिङ्गः	भृतिं वेतनं भुङ्क्ते ।	क्विप्	कृत्	जकारान्तः
3	कर्मकर	कर्मकरः	पुंलिङ्गः	कर्म करोति ।	ट	कृत्	अकारान्तः
4	वैतनिक	वैतनिकः	पुंलिङ्गः	वेतनेन जीवति ।	ठक्	तद्धितः	अकारान्तः
5	वार्तावह	वार्तावहः	पुंलिङ्गः	वार्ताया वहः ॥	तत्पुरुषः	समासः	अकारान्तः
6	वैवधिक	वैवधिकः	पुंलिङ्गः	विवधं वीवधं वा वहति ।	ठक्	तद्धितः	अकारान्तः
7	भारवाह	भारवाहः	पुंलिङ्गः	भारं वहति ।	अण्	कृत्	अकारान्तः
8	भारिक	भारिकः	पुंलिङ्गः	भारोऽस्ति वाह्यत्वेनास्य ।	ठन्	तद्धितः	अकारान्तः