अमरकोशः

श्लोकः

स्त्री क्षुत्क्षुतं क्षवः पुंसि कासस्तु क्षवथुः पुमान् । शोफस्तु श्वयथुः शोथ: पादस्फोटो विपादिका ॥ ५२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	क्षुत्	क्षुत्	स्त्रीलिङ्गः	क्षवणम् ।	क्विप्	कृत्	तकारान्तः
2	क्षुत	क्षुतम्	नपुंसकलिङ्गः	क्षवणम् ।	क्त	कृत्	अकारान्तः
3	क्षव	क्षवः	पुंलिङ्गः	क्षवणम् ।	अप्	कृत्	अकारान्तः
4	कास	कासः	पुंलिङ्गः	कासतेऽनेन ।	घञ्	कृत्	अकारान्तः
5	क्षवथु	क्षवथुः	पुंलिङ्गः	क्षौत्यनेन ।	अथुच्	कृत्	उकारान्तः
6	शोफ	शोफः	पुंलिङ्गः	शवति ।	फ	बाहुलकात्	अकारान्तः
7	श्वयथु	श्वयथुः	पुंलिङ्गः	श्वयति अनेन ।	अथुच्	कृत्	उकारान्तः
8	शोथ	शोथः	पुंलिङ्गः	श्वयति अनेन ।	थन्	बाहुलकात्	अकारान्तः
9	पादस्फोट	पादस्फोटः	पुंलिङ्गः	पादस्य स्फोटः ।	तत्पुरुषः	समासः	अकारान्तः
10	विपादिका	विपादिका	स्त्रीलिङ्गः	विपद्यतेऽनया ।	ण्वुल्	कृत्	आकारान्तः