अमरकोशः

श्लोकः

गन्धसारो मलयजो भद्रश्रीश्चन्दनोऽस्त्रियाम् । तैलपर्णिकगोशीर्षे हरिचन्दनमस्त्रियाम् ॥ १३१ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	गन्धसार	गन्धसारः	पुंलिङ्गः	गन्धवान् सारः स्थिरभागोऽस्य ।	बहुव्रीहिः	समासः	अकारान्तः
2	मलयज	मलयजः	पुंलिङ्गः	मलये जातः ।	ड	कृत्	अकारान्तः
3	भद्रश्री	भद्रश्री	पुंलिङ्गः	भद्रा श्रीरस्य ।	बहुव्रीहिः	समासः	ईकारान्तः
4	चन्दन	चन्दनः	पुंलिङ्गः, नपुंसकलिङ्गः	चन्दयति ।	ल्युट्	कृत्	अकारान्तः
5	तैलपर्णिक	तैलपर्णिकम्	नपुंसकलिङ्गः	तिलपर्णे वृक्षभेदे जाता ।	अण्	तद्धितः	अकारान्तः
6	गोशीर्ष	गोशीर्षम्	नपुंसकलिङ्गः	गोः शीर्षमिव ।	तत्पुरुषः	समासः	अकारान्तः
7	हरिचन्दन	हरिचन्दनः	पुंलिङ्गः, नपुंसकलिङ्गः	हरेरिन्द्रस्य चन्दनम् ।	तत्पुरुषः	समासः	अकारान्तः