अमरकोशः

श्लोकः

उदुम्बरो जन्तुफलो यज्ञाङ्गो हेमदुग्धकः । कोविदारे चमरिकः कुद्दालो युगपत्रकः ॥ २२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	उदुम्बर	उदुम्बरः	पुंलिङ्गः	उल्लङ्घितमम्बरमनेन ।	अरन्	बाहुलकात्	अकारान्तः
2	जन्तुफल	जन्तुफलः	पुंलिङ्गः	जन्तवः फलेऽस्य ॥	बहुव्रीहिः	समासः	अकारान्तः
3	यज्ञाङ्ग	यज्ञाङ्गः	पुंलिङ्गः	यज्ञमङ्गति ।	अण्	कृत्	अकारान्तः
4	हेमदुग्धक	हेमदुग्धकः	पुंलिङ्गः	हेमवर्णं दुग्धमस्य ।	बहुव्रीहिः	समासः	अकारान्तः
5	कोविदार	कोविदारः	पुंलिङ्गः	कुं भूमिं विदृणाति ।	अण्	कृत्	अकारान्तः
6	चमरिक	चमरिकः	पुंलिङ्गः	चमरमस्यास्ति ।	ठन्	तद्धितः	अकारान्तः
7	कुद्दाल	कुद्दालः	पुंलिङ्गः	कुमुद्दालयति ।	अण्	कृत्	अकारान्तः
8	युगपत्रक	युगपत्रकः	पुंलिङ्गः	युगं युग्मं पत्रमस्य ॥	बहुव्रीहिः	समासः	अकारान्तः