अमरकोशः

श्लोकः

स्याद्वीरणं वीरतरं मूलेऽस्योशीरमस्त्रियाम् । अभयं नलदं सेव्यममृणालं जलाशयम् ॥ १६४ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	वीरण	वीरणम्	नपुंसकलिङ्गः	विं पक्षिणमीरयति ।	ल्यु	कृत्	अकारान्तः
2	वीरतर	वीरतरम्	नपुंसकलिङ्गः	अतिशयितं वीरम् ।	तरप्	तद्धितः	अकारान्तः
3	उशीर	उशीरम्	पुंलिङ्गः, नपुंसकलिङ्गः	उश्यते ।	ईरन्	उणादिः	अकारान्तः
4	अभय	अभयम्	नपुंसकलिङ्गः	न भयमस्मात् ।	तत्पुरुषः	समासः	अकारान्तः
5	नलद	नलदम्	नपुंसकलिङ्गः	नलं गन्धं ददाति, दयते, वा ।	क	कृत्	अकारान्तः
6	सेव्य	सेव्यम्	नपुंसकलिङ्गः	सेवितुमर्हम् ।	ण्यत्	कृत्	अकारान्तः
7	अमृणाल	अमृणालम्	नपुंसकलिङ्गः	मृणालमिव । सादृश्येऽत्र नञ् ॥	तत्पुरुषः	समासः	अकारान्तः
8	जलाशय	जलाशयम्	नपुंसकलिङ्गः	जले आशेते ।	अच्	कृत्	अकारान्तः