सर्वज्ञः सुगतो बुद्धो धर्मराजस्तथागतः । समन्तभद्रो भगवान्मारजिल्लोकजिज्जिनः ॥ १३ ॥
शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
---|---|---|---|---|---|---|---|
1 | सर्वज्ञ | सर्वज्ञः | पुंलिङ्गः | सर्वं जानाति । | क | कृत् | अकारान्तः |
2 | सुगत | सुगतः | पुंलिङ्गः | शोभनं गतं ज्ञानमस्य । | बहुव्रीहिः | समासः | अकारान्तः |
3 | बुद्ध | बुद्धः | पुंलिङ्गः | प्रशस्ता बुद्धिरस्य । | अच् | तद्धितः | अकारान्तः |
4 | धर्मराज | धर्मराजः | पुंलिङ्गः | धर्मेण राजते । | तत्पुरुषः | समासः | अकारान्तः |
5 | तथागत | तथागतः | पुंलिङ्गः | तथा सत्यं गतं ज्ञानं यस्य । | बहुव्रीहिः | समासः | अकारान्तः |
6 | समन्तभद्र | समन्तभद्रः | पुंलिङ्गः | समन्तं भद्रमस्य सः । | बहुव्रीहिः | समासः | अकारान्तः |
7 | भगवत् | भगवान् | पुंलिङ्गः | भगं माहात्म्यमस्यास्ति । | मतुप् | तद्धितः | तकारान्तः |
8 | मारजित् | मारजित् | पुंलिङ्गः | मारं कामं जयति । | तत्पुरुषः | समासः | तकारान्तः |
9 | लोकजित् | लोकजित् | पुंलिङ्गः | लोकं जयति । | तत्पुरुषः | समासः | तकारान्तः |
10 | जिन | जिनः | पुंलिङ्गः | जयति जिनः । | नक् | उणादिः | अकारान्तः |