अमरकोशः

श्लोकः

ब्रह्मात्मभूः सुरज्येष्ठः परमेष्ठी पितामहः । हिरण्यगर्भो लोकेशः स्वयम्भूश्चतुराननः ॥ १६ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	ब्रह्मन्	ब्रह्मा	पुंलिङ्गः	बृंहति वर्धयति प्रजा इति ब्रह्मा ।	मनिन्	उणादिः	नकारान्तः
2	आत्मभू	आत्मभूः	पुंलिङ्गः	आत्मनो विष्णोः सकाशात्, आत्मना स्वयमेव वा भवति ।	तत्पुरुषः	समासः	ऊकारान्तः
3	सुरज्येष्ठ	सुरज्येष्ठः	पुंलिङ्गः	सुरेषु ज्येष्ठः ।	तत्पुरुषः	समासः	अकारान्तः
4	परमेष्ठिन्	परमेष्ठी	पुंलिङ्गः	परमे व्योमनि, चिदाकाशे, ब्रह्मपदे, वा तिष्ठति ।	तत्पुरुषः	समासः	नकारान्तः
5	पितामह	पितामहः	पुंलिङ्गः	लोकपितॄणां मरीच्यादीनामर्यमादीनां वा पिता पितामहः ।	डामहच्	तद्धितः	अकारान्तः
6	हिरण्यगर्भ	हिरण्यगर्भः	पुंलिङ्गः	हिरण्यं हिरण्यमण्डं तस्य गर्भ इव ।	तत्पुरुषः	समासः	अकारान्तः
7	लोकेश	लोकेशः	पुंलिङ्गः	लोकानामीशः ।	तत्पुरुषः	समासः	अकारान्तः
8	स्वयंभू	स्वयंभूः	पुंलिङ्गः	स्वयमेव भवति ।	तत्पुरुषः	समासः	ऊकारान्तः
9	चतुरानन	चतुराननः	पुंलिङ्गः	चत्वार्याननान्यस्य ।	बहुव्रीहिः	समासः	अकारान्तः