अमरकोशः

श्लोकः

दारदो वत्सनाभश्च विषभेदा अमी नव । विषवैद्यो जाङ्गुलिको व्यालग्राह्यहितुण्डिकः ॥ ११ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	दारद	दारदः	पुंलिङ्गः	दरदि देशे भवः ।	अण्	तद्धितः	अकारान्तः
2	वत्सनाभ	वत्सनाभः	पुंलिङ्गः	वत्सान् नभ्नाति ।	अण्	कृत्	अकारान्तः
3	विषवैद्य	विषवैद्यः	पुंलिङ्गः	विद्यामधीते वेत्ति वा ।	अण्	तद्धितः	अकारान्तः
4	जाङ्गुलिक	जाङ्गुलिकः	पुंलिङ्गः	जाङ्गुलीं विषविद्यामधीते वेद वा ।	ठक्	तद्धितः	अकारान्तः
5	व्यालग्राहिन्	व्यालग्राही	पुंलिङ्गः	व्यालं गृह्णाति।	णिनिः	कृत्	नकारान्तः
6	अहितुण्डिक	अहितुण्डिकः	पुंलिङ्गः	अहेस्तुण्डं मुखम् । तेन दीव्यति ।	ठक्	तद्धितः	अकारान्तः