अमरकोशः

श्लोकः

गणरात्रं निशा बह्व्यः प्रदोषो रजनीमुखम् । अर्धरात्रनिशीथौ द्वौ द्वौ यामप्रहरौ समौ ॥ ६ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	गणरात्र	गणरात्रम्	नपुंसकलिङ्गः	गणानां बह्वीनां रात्रीणां समाहारः ।	द्विगुः	समासः	अकारान्तः
2	प्रदोष	प्रदोषः	पुंलिङ्गः	प्रारम्भो दोषाया: ।	तत्पुरुषः	समासः	अकारान्तः
3	रजनीमुख	रजनीमुखम्	नपुंसकलिङ्गः	रजन्या मुखमिव ।	बहुव्रीहिः	समासः	अकारान्तः
4	अर्धरात्र	अर्धरात्रः	पुंलिङ्गः	अर्धं रात्रेः ।	तत्पुरुषः	समासः	अकारान्तः
5	निशीथ	निशीथः	पुंलिङ्गः	निशेरतेऽस्मिन् ।	थक्	उणादिः	अकारान्तः
6	याम	यामः	पुंलिङ्गः	याति ।	मन्	उणादिः	अकारान्तः
7	प्रहर	प्रहरः	पुंलिङ्गः	प्रह्रीयते ढक्कादिरस्मिन् ।	घ	कृत्	अकारान्तः