नीचैः

सुधाव्याख्या

- नि चीयते । ‘चिञ् चयने (स्वा० उ० अ०) । ‘नौ दीर्घश्च (उ० ५.१३) इति डैसिः ॥

प्रक्रिया

धातुः -


चिञ् चयने
चि	- हलन्त्यम् 1.3.3, तस्य लोपः 1.3.9
नी + चि + डैसि	– नौ दीर्घश्च (५.१३) । उणादिसूत्रम् ।
नी + चि + ऐस्	- उपदेशेऽजनुनासिक इत् 1.3.2, चुटू 1.3.7, तस्य लोपः 1.3.9
नी + च् + ऐस्	- टेः 6.4.143, डित्वसामर्थ्यादभस्यापि टेर्लोपः।
नीचैस्	- स्वरादिनिपातमव्ययम् 1.1.37
नीचैस् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
नीचैस्	- अव्ययादाप्सुपः 2.4.82
नीचै + रु	- ससजुषो रुः 8.2.66
नीचै + र्	- उपदेशेऽजनुनासिक इत् 1.3.2, तस्य लोपः 1.3.9
नीचैः	- खरवसानयोर्विसर्जनीयः 8.3.15