मार्ज्यते स्म । ‘मृजू शौचालङ्कारयोः' (चु० उ० से०) । चुरादिः । क्तः (३.२.१०२) ॥ ‘अर्धाढकः सुचिरपर्युषितस्य दध्नः खण्डस्य षोडश पलानि शशिप्रभस्य । सर्पिः पलं मधु पलं मरिचं द्विकर्षं शुण्ठ्याः पलार्धमपि चार्धपलं चतुर्णाम् । सूक्ष्मे पटे ललनया मृदुपाणिघृष्टा कर्पूर- धूलिसुरभीकृतपात्रसंस्था । एषा वृकोदरकृता सरसा रसाला यास्वादिता भगवता मधुसूदनेन' इति सूदशास्त्रम् । (‘रसालायां तु मार्जितः । शिखरिणी' इति हैमनाममाला) ।