कुन्तः

सुधाव्याख्या

कुं शरीरमुनत्ति । ‘उन्दी क्लेदने’ (रु० प० से०) बाहुलकात्तः । शकन्ध्वादिः (वा० ६.१.९४) । ‘कुन्तः प्रासे चण्डभावे क्षुद्रजातौ गवेधुके कुन्ती पाण्डुप्रियायां च शल्लक्यां गुग्गुलद्रुमे’ इति विश्वः ॥

प्रक्रिया

धातुः -


उन्दीँ क्लेदने
कु + उन्द्	- उपदेशेऽजनुनासिक इत् 1.3.2, तस्य लोपः 1.3.9
कु + उन् + त	– बाहुलकात् ।
कुन्त	– शकन्ध्वादिषु पररूपं वक्तव्यम् (6.1.94) । वार्तिकम् ।
कुन्त + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
कुन्त + स्	- उपदेशेऽजनुनासिक इत् 1.3.2, तस्य लोपः 1.3.9
कुन्त + रु	- ससजुषो रुः 8.2.66
कुन्त + र्	- उपदेशेऽजनुनासिक इत् 1.3.2, तस्य लोपः 1.3.9
कुन्तः	- खरवसानयोर्विसर्जनीयः 8.3.15

Find words details involved in this Prakriya