कृपाणः

सुधाव्याख्या

कृपां नुदति । 'नुद प्रेरणे’ (तु० उ० अ०) । ‘अन्येभ्योऽपि’ (वा० ३.२.१०१) इति डः । ‘पूर्वपदात्-' (८.४.३) इति णत्वम् ॥

प्रक्रिया

धातुः -


णुदँ प्रेरणे
नुद्	- उपदेशेऽजनुनासिक इत् 1.3.2, तस्य लोपः 1.3.9
कृपा + नुद् + ड	– अन्येभ्योऽपि दृश्यते (3.2.101) । वार्तिकम् ।
कृपा + नुद् + अ	- चुटू 1.3.7, तस्य लोपः 1.3.9
कृपा + न् + अ	- टेः 6.4.143, डित्वसामर्थ्यादभस्यापि टेर्लोपः।
कृपाण	- पूर्वपदात्‌ संज्ञायामगः 8.4.3
कृपाण + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
कृपाण + स्	- उपदेशेऽजनुनासिक इत् 1.3.2, तस्य लोपः 1.3.9
कृपाण + रु	- ससजुषो रुः 8.2.66
कृपाण + र्	- उपदेशेऽजनुनासिक इत् 1.3.2, तस्य लोपः 1.3.9
कृपाणः	- खरवसानयोर्विसर्जनीयः 8.3.15