दोस्

सुधाव्याख्या

दाम्यत्यनेन । ‘दमु उपशमे’ (दि० प० से०) । ‘दमेडोस्’ (उ० २.६९) । भागुरिमते टाप् ॥ ‘दोर्दोषा च भुजा बाहुः, पाणिर्हस्तः करस्तस्था’ इति धनञ्जयः ।

प्रक्रिया

धातुः -


दमुँ उपशमे
दम्	- उपदेशेऽजनुनासिक इत् 1.3.2, तस्य लोपः 1.3.9
दम् + डोसि	- दमेर्डोसिः (२.६९) । उणादिसूत्रम् ।
दम् + ओस्	- उपदेशेऽजनुनासिक इत् 1.3.2, चुटू 1.3.7, तस्य लोपः 1.3.9
द् + ओस्	- टेः 6.4.143, डित्वसामर्थ्यादभस्यापि टेर्लोपः।
दोस् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
दोस् + स्	- उपदेशेऽजनुनासिक इत् 1.3.2, तस्य लोपः 1.3.9
दोस्	- हल्ङ्याब्भ्यो दीर्घात्‌ सुतिस्यपृक्तं हल् 6.1.68
दो + रु	- ससजुषो रुः 8.2.66
दो + र्	- उपदेशेऽजनुनासिक इत् 1.3.2, तस्य लोपः 1.3.9
दोः	- खरवसानयोर्विसर्जनीयः 8.3.15