वपा

सुधाव्याख्या

वपति । उप्यते वा । ‘डुवप् बीजतन्तुसंताने’ (भ्वा० उ० अ०) । अच् (३.१.१३४) । भिदाद्यङ् (३.३.१०२) वा । ‘वपा विवरमेदसोः’ इति हैमः ॥

प्रक्रिया

धातुः -


डुवपँ बीजसन्ताने गर्भाधाने छेदने बीजतन्तुसन्ताने मुण्डबीजोप्त्योः वपने घर्षणे तन्तुनिर्माणे च
वप्	- उपदेशेऽजनुनासिक इत् 1.3.2, तस्य लोपः 1.3.9, आदिर्ञिटुडवः 1.3.5
वप् + अच्	- नन्दिग्रहिपचादिभ्यो ल्युणिन्यचः 3.1.134
वप् + अ	- हलन्त्यम् 1.3.3, तस्य लोपः 1.3.9
वप + टाप्	- अजाद्यतष्टाप्‌ 4.1.4
वप + आ	- हलन्त्यम् 1.3.3, चुटू 1.3.7, तस्य लोपः 1.3.9
वपा	- अकः सवर्णे दीर्घः 6.1.101
वपा + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
वपा + स्	- उपदेशेऽजनुनासिक इत् 1.3.2, तस्य लोपः 1.3.9
वपा	- हल्ङ्याब्भ्यो दीर्घात्‌ सुतिस्यपृक्तं हल् 6.1.68