खट्वा

सुधाव्याख्या

खट्यते निद्रालुभिः । ‘खट काङ्क्षायाम्’ (भ्वा० प० से०) । ‘अशूप्रुषि-’ (उ० १.१५१) इति क्वुन् ॥

प्रक्रिया

धातुः -


खटँ काङ्क्षायाम्
खट्	- उपदेशेऽजनुनासिक इत् 1.3.2, तस्य लोपः 1.3.9
खट् + क्वन्	- अशूप्रुषिलटिकणिखटिविशिभ्यः क्वन् (१.१५१) । उणादिसूत्रम् ।
खट् + व	- हलन्त्यम् 1.3.3, लशक्वतद्धिते 1.3.8, तस्य लोपः 1.3.9
खट्व + टाप्	- अजाद्यतष्टाप्‌ 4.1.4
खट्व + आ	- हलन्त्यम् 1.3.3, चुटू 1.3.7, तस्य लोपः 1.3.9
खट्वा	- अकः सवर्णे दीर्घः 6.1.101
खट्वा + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
खट्वा + स्	- उपदेशेऽजनुनासिक इत् 1.3.2, तस्य लोपः 1.3.9
खट्वा	- हल्ङ्याब्भ्यो दीर्घात्‌ सुतिस्यपृक्तं हल् 6.1.68