गुञ्जा

सुधाव्याख्या

गुञ्जति । ‘गुजि अव्यक्ते शब्दे (भ्वा० प० से०) । पचाद्यच् (३.१.१३४) । ‘गुञ्जा तु काकचिञ्चायां पटहे च कलध्वनौ’ (इति मेदिनी) ॥

प्रक्रिया


गुज्	- उपदेशेऽजनुनासिक इत् 1.3.2, तस्य लोपः 1.3.9
गुन्ज्	- इदितो नुम् धातोः 7.1.58
गुंज्	- नश्चापदान्तस्य झलि 8.3.24
गुञ्ज्	- अनुस्वारस्य ययि परसवर्णः 8.4.58
गुञ्ज् + अच्	- नन्दिग्रहिपचादिभ्यो ल्युणिन्यचः 3.1.134
गुञ्ज् + अ	- हलन्त्यम् 1.3.3, तस्य लोपः 1.3.9
गुञ्ज + टाप्	- अजाद्यतष्टाप्‌ 4.1.4
गुञ्ज + आ	- हलन्त्यम् 1.3.3, चुटू 1.3.7, तस्य लोपः 1.3.9
गुञ्जा	- अकः सवर्णे दीर्घः 6.1.101
गुञ्जा + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
गुञ्जा + स्	- उपदेशेऽजनुनासिक इत् 1.3.2, तस्य लोपः 1.3.9
गुञ्जा	- हल्ङ्याब्भ्यो दीर्घात्‌ सुतिस्यपृक्तं हल् 6.1.68