श्रीफलः

सुधाव्याख्या

श्रीपदं श्रीप्रियं वा फलमस्य । शाकपार्थिवादिः (वा० २.१.६९) । ‘श्रीफलः पुंसि मालूरे धात्रीनीलिकयोः स्त्रियाम् ॥

प्रक्रिया


श्री + सु + फल + सु	- शाकपार्थिवादीनां सिद्धये उत्तरपदलोपस्योपसंख्यानम् (2.1.60) । वार्तिकम् ।
श्री + फल	- सुपो धातुप्रातिपदिकयोः 2.4.71
श्रीफल + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
श्रीफल + स्	- उपदेशेऽजनुनासिक इत् 1.3.2, तस्य लोपः 1.3.9
श्रीफल + रु	- ससजुषो रुः 8.2.66
श्रीफल + र्	- उपदेशेऽजनुनासिक इत् 1.3.2, तस्य लोपः 1.3.9
श्रीफलः	- खरवसानयोर्विसर्जनीयः 8.3.15