‘मरुत्' इत्यत्राप्यन्वेति । ‘मरुद्देवे समीरे ना ग्रन्थिपर्णे नपुंसकम्’ (इति मेदिनी) ॥ मरुदिति । मरुद्भिर्मल्यते । ‘मल धारणे' (भ्वा० आ० से०) । घञ् (३.३.१९) । व्यस्तं समस्तं च नामेदम् । ‘स्पृक्का तु ब्राह्मणी देवी मरुन्माला लता लघुः । समुद्रान्ता वधूः कोटीवर्षा लङ्कोपिका मरुत् । मुनिर्माल्यवती माला मोहना कुटिला लता' इति वाचस्पतिः । म्रियते । ‘मृङ् प्राणत्यागे (तु० आ० से०) । ‘मृग्रोरुतिः' (उ० १.९४) ॥ मल्यते । ‘मल धारणे' (भ्वा० आ० से०) । घञ् (३.३.१९) ॥