उग्रगन्धा

सुधाव्याख्या

उग्रो गन्धोऽस्याः । ‘उग्रगन्धाजमोदायां वचायां छिक्किकौषधौ' (इति मेदिनी) ॥

प्रक्रिया


उग्र + सु + गन्ध + सु	- अनेकमन्यपदार्थे 2.2.24
उग्र + गन्ध	- सुपो धातुप्रातिपदिकयोः 2.4.71
उग्रगन्ध + टाप्	- अजाद्यतष्टाप्‌ 4.1.4
उग्रगन्ध + आ	- हलन्त्यम् 1.3.3, चुटू 1.3.7, तस्य लोपः 1.3.9
उग्रगन्धा	- अकः सवर्णे दीर्घः 6.1.101
उग्रगन्धा + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
उग्रगन्धा + स्	- उपदेशेऽजनुनासिक इत् 1.3.2, तस्य लोपः 1.3.9
उग्रगन्धा	- हल्ङ्याब्भ्यो दीर्घात्‌ सुतिस्यपृक्तं हल् 6.1.68