स्थलम्

सुधाव्याख्या

स्थलमिति । स्थलति । ‘ष्ठल स्थाने’ (भ्वा० प० से०) । पचाद्यच् (३.१.१३४) । यत्तु-स्थल्यतेऽत्र । घञर्थे कः’ (वा० ३.३.५८) इति मुकुट: । तन्न । परिगणनात् ।

प्रक्रिया


ष्ठल्	- उपदेशेऽजनुनासिक इत् 1.3.2, तस्य लोपः 1.3.9
स्थल्	- धात्वादेः षः सः 6.1.64, निमित्तापाये नैमित्तिकस्याप्यपायः ।
स्थल् + अच्	- नन्दिग्रहिपचादिभ्यो ल्युणिन्यचः 3.1.134
स्थल् + अ	- हलन्त्यम् 1.3.3, तस्य लोपः 1.3.9
स्थल + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
स्थल + अम्	- अतोऽम् 7.1.24
स्थलम्	- अमि पूर्वः 6.1.107