तत्पूर्वाद्रातेः ‘स्पृहिगृहि-’ (३.२.१५८) इत्यादिना ‘तन्द्रा' इति निपात्यते । तन्द्रायाः करणम् । ’तत्करोति (वा० ३.१.२६) इति ण्यन्ताद् अच इः’ (उ० ४.१३९) । तन्द्रिः । ‘कृदिकारात्-' (ग० ४.१.४५) इति डीष् वा । 'तन्द्री निद्राप्रमीलयोः । णिजभावे ‘तन्द्रा' इत्यपि । मुकुटस्तु इन्द्रियाणां तननं द्रात्यस्याम् । तन्द्रधातोः सौत्रान्मूर्च्छार्थात् ‘तन्द्रेरिदीतौ’ इति हस्वेकारप्रत्यये तन्द्रिः । ङीषि तन्द्री । दीर्घेकारप्रत्यये लक्ष्मीशब्दवच्च इत्याह । तन्न । द्रातिना विगृह्य सौत्रधातोरुपन्यासस्य विरुद्धत्वात् । ’तदो नान्तत्वनिपातनाभ्युपगमविरोधात् । ‘तन्द्रेरिदीतौ इति सूत्रस्यादर्शनाच्च । ईप्रत्ययविधायकाभावाच्च । (यदपि) 'तन्द्रिस्तन्द्री तन्द्रीस्तन्द्रा’ इति रूपचतुष्टयम् । इत्युक्तम् । तदपि न । दीर्घविसर्गान्ते प्रमाणाभावात् ।