वाच्/वाक्

सुधाव्याख्या

उच्यते । वाक् । ‘वच परिभाषणे’ (अ० प० अ०) । क्विब्वचि-' (वा० ३.३.१७८) इत्यादिना क्विप्, दीर्घोऽसंप्रसारणं च । (‘वाग्वाचे भारत्यां वचने स्त्रियौ)।

प्रक्रिया


वच्	- उपदेशेऽजनुनासिक इत् 1.3.2, तस्य लोपः 1.3.9
वाच् क्विप्	- क्विब्वचिप्रच्छपायतस्तुकटप्रुजुश्रीणां दीर्घोऽसंप्रसारणं च (3.3.178) । वार्तिकम् ।
वाच्	- हलन्त्यम् 1.3.3, उपदेशेऽजनुनासिक इत् 1.3.2, लशक्वतद्धिते 1.3.8, तस्य लोपः 1.3.9, वेरपृक्तस्य 6.1.67
वाच् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
वाच् + स्	- उपदेशेऽजनुनासिक इत् 1.3.2, तस्य लोपः 1.3.9
वाच्	- हल्ङ्याब्भ्यो दीर्घात्‌ सुतिस्यपृक्तं हल् 6.1.68
वाक्	- चोः कुः 8.2.30
वाच्/वाक्	- झलां जशोऽन्ते 8.2.39