अवतीति-ऊः । क्विप् (३.२.१७८) । ज्वरत्वर-' (६.४.२०) इत्यूठौ । ‘ह्रस्वो नपुंसके-' (१.२.४७) इति ह्रस्वः । समासोत्तरम् 'इको ह्रस्वोऽड्यः-' इति वा ह्रस्वः । डयतेर्डु: डीङो मितद्रवादित्वात् (वा० ३.२.१८०) डुः । ‘उ च तड्डु च ' इति विग्रहः । स्त्रियां तु 'ऊश्चासौ डुश्च' इति ज्ञेयः । उडुः, उडू, उडवः, इत्यादि धेनुवत् । यद्वा 'उ संबुद्धौ रुषोक्तौ च शिववाची त्वनव्ययम् । उ प्रश्ने च इति हैमः । उ क्रोधं डयते, उना शम्भुना डीयते वा । मितद्रवादिभ्यः (३.२. १८०) इति डुः ।