पृथुरोमा

सुधाव्याख्या

पृथ्विति । पृथूनि रोमाण्यस्य । रोम पक्षोऽत्र इति स्वामी । वल्कलम् - इति सर्वधरः ॥

प्रक्रिया


पृथु + जस् + रोमन् + जस्	- अनेकमन्यपदार्थे 2.2.24
पृथु + रोमन्	- सुपो धातुप्रातिपदिकयोः 2.4.71
पृथुरोमन् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
पृथुरोमन् + स्	- उपदेशेऽजनुनासिक इत् 1.3.2, तस्य लोपः 1.3.9
पृथुरोमन्	- हल्ङ्याब्भ्यो दीर्घात्‌ सुतिस्यपृक्तं हल् 6.1.68
पृथुरोमान्	- सर्वनामस्थाने चासम्बुद्धौ 6.4.8
पृथुरोमा	- नलोपः प्रातिपदिकान्तस्य 8.2.7