अश्रान्तम्

सुधाव्याख्या

श्रमु तपसि खेदे च' (दि० प० से०) । भावे क्तः (३.३.११४) । ‘अनुनासिकस्य-'(६.४.१५) इति दीर्घः । अविद्यमानं श्रान्तमत्र ॥

प्रक्रिया


श्रम्	- उपदेशेऽजनुनासिक इत् 1.3.2, तस्य लोपः 1.3.9
श्रम् + क्त	- नपुंसके भावे क्तः 3.3.114
श्रम् + त	- लशक्वतद्धिते 1.3.8, तस्य लोपः 1.3.9
श्राम् + त	- अनुनासिकस्य क्विझलोः क्ङिति 6.4.15
श्रांत	- नश्चापदान्तस्य झलि 8.3.24
श्रान्त	- अनुस्वारस्य ययि परसवर्णः 8.4.58
नञ् + श्रान्त सु	- नञोऽस्त्यर्थानां वाच्यो वा चोत्तरपदलोपः (2.2.24) । वार्तिकम्
न + श्रान्त	- हलन्त्यम् 1.3.3, तस्य लोपः 1.3.9
अश्रान्त	- नलोपो नञः 6.3.73
अश्रान्त + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
अश्रान्त + अम्	- अतोऽम् 7.1.24
अश्रान्तम्	- अमि पूर्वः 6.1.107